ВМРО-Народна: Министрите редовно да ги плаќаат долговите кон фирмите

0
107

ВМРО-Народна партија ги повикува министрите во Владата редовно да си ги плаќаат обврските и долговите кон фирмите, бидејќи на тој начин ќе овозможат базичниот принцип на економијата да не застане.

„Плаќањето на веќе договорените и извршените работи од страна на фирмите ќе овозможи фирмите да ги исплатат платите кон вработените и повторно преку плаќање на даноци да ги вратат парите назад во буџетот.

Во таа насока посебно го повикуваме министерството за финансии кое треба перманентно да ги координира министерствата и да врши дополнителен притисок за исплата на веќе пристигнатите обврски“, велат од ВМРО-НП.