СДСМ: Мицкоски и ВМРО-ДПМНЕ се најголема закана за здравјето и лош пример што не треба да се следи

0
97

Додека состојбата со глобалната пандемија на коронавирусот бара општествена одговорност и дисциплинирано почитување на мерките за заштита, Мицкоски и ВМРО-ДПМНЕ продолжуваат со нивното крајно неодговорно и незрело однесување, соопшти СДСМ.

„Организирањето партиски собир како тој во Ново Лисиче, спротивно на сите протоколи за заштита на здравјето, е уште еден доказ дека оваа партија воопшто нема никаква грижа ниту совест кон граѓаните.

Мицкоски и ВМРО-ДПМНЕ се најголема закана за здравјето на граѓаните. Тие се најголеми непочитувачи на мерките и препораките, а нивниот Наќе Чулев намерно го саботира системот однатре.

Претходно, неодговорниот, незрел и опасен по здравјето Христијан Мицкоски одеше во вежбалница, кога спортските објекти беа затворени, одеше во кафеана во затворен простор, кога тоа беше забрането. Од самиот почеток на здравствената криза јавноста е сведок на непочитување прописи и мерки од страна на Мицкоски и смислено ширење лажни вести од страна на ВМРО-ДПМНЕ.

Социјалдемократскиот сојуз на Македонија апелира до граѓаните да ги почитуваат мерките и препораките и да не го следат лошиот пример на Мицкоски и ВМРО-ДПМНЕ. Токму поради ваквото незрело, неодговорно и несериозно однесување, на 15 јули ВМРО-ДПМНЕ ќе биде казнета од страна на граѓаните.

СДСМ била и останува на страната на заштита на интересите на граѓаните и покажува вистинска грижа за заштита на нивното здравје. СДСМ е заедно со граѓаните во борбата со сите предизвици“, стои во соопштението на СДСМ.