Ахмети ги соопшти имињата на нивните кандидати за министри

0
70

Претседателот на ДУИ, Али Ахмети, по вчерашната седница на партискиот централен совет ги соопшти имињата на нивните кандидати за министри во новата влада по договорот со СДСМ за поделба на ресорите.

„Утре, ќе го избереме претседателот на Собранието, нашиот пријател Талат Џафери, а потоа и нашите други пријатели, Артан Груби како прв вицепремиер и министер за политички систем, Фатмир Бесими како министер за финансии, Бујар Османи за надворешна работи, Крешник Бектеши во Министерството за економија, Насер Нуредини во животната средина и останува да се договориме со коалициските партнери за министер во Министертвото за информатичко општество“, рече Али Ахмети.

Тој рече дека идната влада како и во минатото така и во иднина ќе ги носи сите одлуки со демократско начело на консензус, како и дека има многу работи на кои ќе се посветат.

„Има проекти чие завршување знаеме дека ќе донесе придобивки за граѓаните. Тоа се автопатот Кичево – Охрид, Скопје – Качаник, гасоводот“, рече Ахмети.

За Насер Зибери, кој беше кандидат за премиер, Ахмети исткана дека тој како нотар продолжува со својата работа и во иднина ќе се одлучува за евентуална функција.