Маските ќе бидат задолжителни и на отворено, освен за децата до 6 години

0
38

Носењето заштитни маски ќе биде задолжително секаде, на отворен и затворен простор, а од ова правило ќе бидат исклучени единствено децата помали од шест години, соопшти министерот за здравство, Венко Филипче.

„Се забранува групирање на повеќе од четири лица на јавен простор по 22 часот. Забрана на семејни поголеми прослави во домашни услови, се забранува групирање на слави и собири во групи во домовите. Освен оние кои живеат на адресата, дозволено ќе биде да има најмногу четири гости“, најави Филипче.

Како што објасни Филипче, носењето маски ќе биде задолжително и во приватен и во јавен превоз. Во приватен автомобил не мора да носат маски ако лицата што се возат се од исто семејство.

Тој рече дека состојбата кај нас иако е стабилна, може лесно да ескалира.

Комисијата за заразни болести денеска ги достави новите предлог-мерки до Владата, поради зголемениот број на заразени со Ковид-19.