Романија ги прекина летовите од 49 високоризични земји

0
47

Романските власти соопштија дека ќе ги прекинат летовите со високоризичните земји за да се запре наглиот пораст на новозаразени со коронавирус.

Бројот на заразени лица во Романија се зголеми за рекордни 3.130 во изминатите 24 часа, а владата затвори театри, кина, ресторани и барови во главниот град Букурешт, а слични мерки воведоа и други градови, пренесува „Ројтерс“.

Патниците од 49 земји со висок ризик ќе мора да се изолираат 10 до 14 дена по пристигнувањето, освен оние кои патуваат на помалку од три дена, кои мора да имаат негативен тест на коронаирус.

Властите вчера ги прекинаа летовите од 49 земји на списокот, со исклучок на земјите од Европската Унија, Велика Британија, Обединетите Арапски Емирати и Катар.