САД одобрија итна употреба на терапија со крва плазма против коронавирусот

0
52

Американската администрација за храна и лекови (ФДА) даде одобрение за итни случаи за употреба на плазма за лекување на пациенти со коронавирус.

Техниката користи крвна плазма богата со антитела од луѓе кои се опоравиле од оваа болест и веќе се користи кај над 70.000 луѓе во САД.

Претседателот Доналд Трамп изјави дека третманот може да ги намали смртните случаи за 35%.

Трансфузијата во плазма која содржи антитела му овозможува на пациентот побрзо да го елиминира коронавирусот во неговото тело и да ги ограничи дополнителните симптоми. Иако оваа терапија покажа одредени резултати, нејзината точна ефикасност сè уште е предмет на дискусија и претставува ризик од несакани ефекти и пренесување на заразни агент.

„Ова е историски ден. Задоволен сум да направам навистина историска објава во нашата битка против кинескиот вирус, што ќе спаси безброј животи“ порача Трамп.

Тој ја опиша постапката како моќна терапија и апелираше до Американците да донираат плазма ако закрепнат од Ковид-19.