Шпанската полиција уапси маж кој тврдел дека пандемијата е измама

0
214

Шпанската полиција уапси маж кој верува дека пандемијата на коронавирус е измама поради поттикнување на омраза и насилство. Според полициското соопштение, 38-годишниот маж тврдел дека здравствените работници и медиумите стојат зад она што тој го нарекува „ковид фарса“ и ги повикал неговите следбеници да ги напаѓаат политичарите и новинарите.

Тој на еден од налозите на социјалните мрежи напишал дека „сето ова ќе се реши со пукање во задниот дел на главата на шпанскиот премиер Педро Санчез“.

Во различни објави тој исто така навел дека седиштето на шпанската Лекарска комора треба да биде запалено, а оние што веруваат дека вирусот постои ги опишал како лоши и неуки луѓе кои заслужуваат да умрат, пренесува Ројтерс.

Полицијата додава дека осомничениот, претставувајќи се како државен службеник, се јавувал во домови за стари лица, болници и фудбалски клубови со цел да шири дезинформации за пандемијата.

Полицијата го лоцирала човекот, кого го опишале како „сериозна опасност“ за јавното здравје,недалеку од главниот град на покраината Арагон Сарагоса.