Триесетина луѓе насилно однеле мртовец од струмичката болница

0
214

Триесетина лица утринава насилно го земале починатиот пациент од амбулантата на Инфективното одделение на болницата во Струмица. Пациентот кој имал 49 години околу 9 часот бил хоспитализиран во инфективната амбуланта со зголемена температура, висок крвен притисок и малаксаност. Тој за кусо време починал.

-Се се случи како во хорор филм. Пациент на 49 годишна возраст бил примен во амбулантата во тешка состојба, откако претходно го донеле неговата ќерка и сопругата. Отако набргу починал дваесетина граѓани од Турското маало во Струмица го извлекле починатиот со кревет надвор во дворот на болницата, го префриле преку оградата и го ставиле во комбе по што се упатиле во непознат правец, изјави за државната агенција МИА д-р Наќе Гогов, директор на болницата.

Тој додаде дека го осудуваат овој чин бидејќи не дозволиле на лекарите да потпишат посмтрница и да ги пополнат потребните документи.

-Веднаш ја алармиравме полицијата, но додека таа да дојде тие веќе заминаа, рече директорот Гогов.

Вработените во болницата не можеле да направат ништо, бидејќи се работело за поголема толпа и не сакале да предизвикаат инцидент.