Заев од Македонска Каменица: Почнува реконструкција на патот кој го поврзува градот со рудникот „Саса“

0
46

Претседателот на СДСМ и мандатар за составување на Влада, Зоран Заев, денес имаше повеќе теренски активности во Македонска Каменица.

Тој најави целосна реконструкција на патот од Македонска Каменица кон рудникот „Саса“ во должина од 10 километри.

„Проектот е вреден 2,27 милиони евра кои се обезбедени преку ЕБДР. Минатата година е завршена комплетната проектна документација, а од денес се пристапува кон комплетно санирање на патот кој не е реконструиран повеќе од 40 години. Дополнително ќе се работи и на изградба на придружни елементи“, соопшти СДСМ.

Од партијата велат дека ова е еден од капиталните проекти во источна Македонија, кои заедно со реконструкцијата на делот Крупиште, Узем-рудник Тораница и овој пат ја комплетираат главната патна инфраструктура во овој регион.